Мемлекет басшысы 2020 жылы және ағымдағы жылдың бірінші тоқсанында Lancaster Group көпсалалы холдингінің өндірістік қызметінің нәтижелерімен танысты.
Директорлар кеңесінің төрағасы Берік Қаниев Lancaster Group компаниясы іске асырып жатқан инвестициялық және әлеуметтік жобалар туралы айтып берді.
Берік Қаниев экология, балалар мен жасөспірімдер футболын дамыту және білім беру саласындағы әлеуметтік маңызды жобалар туралы айтып берді. Атап айтқанда, "Jas Qyran"балалар-жасөспірімдер футбол лигасының қызметі туралы айтып берді. Бұл жобаның мақсаты мен идеясы Қазақстанда балалар мен жасөспірімдер футболын дамытуды жан-жақты қолдау, жаттығу орталықтарының инфрақұрылымын жақсарту және жаттықтырушылар құрамының біліктілігін арттыру, жақын арада Қазақстанның болашақ футболшыларына айналатын дарынды балаларды анықтау болып табылады.
1964 жылы өткен жүзжылдықта ашылған Қазақстандағы ең танымал алматылық №2 ОРМБЖМ базасында құрылған "Jas Qyran" балалар мен жасөспірімдер футбол орталығы туралы Жеке айта кеткен жөн. "Jas Qyran" футбол орталығының базасында осы жылы Қазақстан чемпионатының екінші лигасына шыққан аттас команда құрылды.
Экология саласында "AirVision.kz"атындағы қоғамдық қоры таныстырылды. Қоғамдық қоры Алматы қаласының ауа сапасын жақсарту мақсатында 2020 жылдың қаңтарында құрылды. Қор мемлекеттік органдармен, азаматтық сектормен, қазақстандық және шетелдік ғалымдармен, сондай-ақ сараптамалық қоғамдастықпен ынтымақтасуда. "AirVision.kz" қоры жұмыс істеген уақыт ішінде БҰҰДБ-дан ұшпа органикалық қосылыстарға мониторинг жүргізуге грант ұтып алды.
Білім беру секторында перспективалы жобалардың бірі "Quantum STEM Schools"болып табылады. Бұл Қазақстандағы жеке меншік мектептердің инновациялық желісі, ол Сингапур мен АҚШ-тың үздік мектептерінің озық тәжірибесі негізінде оқытуды көздейді. Quantum STEM 2020 жылы құрылған Lancaster Group және BI Group компанияларының бірлескен жобасы болып табылады, ол елдің барлық өңірлерінде мектептер желісін ашуды жоспарлап отыр, осылайша алынатын білім сапасын халықаралық стандарттар деңгейінде арттырады.
Сондай-ақ Берік Қаниев Республикалық физика-математика мектебінің Директорлар кеңесінің төрағасы бола отырып, мектеп пен "Fizmat Endowment Fund"қорының қызметі туралы айтып берді. Қор қызметінің арқасында биыл Батыс Қазақстан облысындағы Орал қаласында алғашқы Fizmat Primary School ашылды.
Берік Қаниев Президентке covid-19-ның өнеркәсіптік объектілерде таралуына жол бермеу бойынша қабылданып жатқан шаралар туралы, сондай-ақ холдингтің пандемиямен күреске қатысуы туралы хабарлады. Lancaster Group түрлі ұйымдар үшін клиникалық-диагностикалық мақсаттарда ПТР-тестілерді сатып алуға 170 миллион теңге бөлді. Сондай-ақ, дәрі-дәрмектерді беруді қоса алғанда, басқа да әлеуметтік қолдау көрсетілді. Бүгінгі таңда компаниялар тобында қызметкерлерді коронавирусқа қарсы белсенді вакцинациялау жүріп жатыр.
Қасым-Жомарт Тоқаев осы маңызды бастаманы іске асыруда табыс тіледі, сондай-ақ Lancaster Group Kazakhstan компаниясының басқа да әлеуметтік маңызы бар жобаларды жүзеге асыруға қатысуын жоғары бағалады.
Жаңалықтар порталына сілтемелер: